BOAS FESTAS

 

Estación metereolóxica

 https://app.weathercloud.net/map#8745790728

https://www.wunderground.com/weather/es/cabanas/ICABAN33

Temos estación metereolóxica propia!!!

Xa podedes consultar a climatoloxía que vai no cole en tempo real.

Outro obxectivo acadado de "Medrando en igualdade" promovido pola ANPA O Castiñeiro, para a transformación dos espazos de xogo do alumnado do noso centro.

Forma parte tamén do proxecto financiado por Voz Natura, "Ecocomunidade escolar: Tempo de comunidade, comunidade a un tempo".

Esperemos que axude ao alumnado a interpretar o clima de xeito activo.

43° 25' 31" N 008° 10' 17" W

FALADOIRO CO-RESPONSABLES

LUDOTECA DECEMBRO

 

Obradoiro Folla Millo

 O outono é tempo de colleita.

A recollida do millo, tiña grande importancia nas nosas terras.

Boa mostra a fan os 38 muíños que no seu momento tivo o río Dana, que pasa ao carón do cole, dos que nos queda o de o noso amigo Ton.

A recollida do millo daba paso á celebración da esfolla, onde a veciñanza se xuntaba para realizar esta tarefa de xeito colectivo.

Temos unha sorte inmensa de ter a Cabanas Rural Asociación de Mulleres, sempre dispostas, axudándonos a non esquecer de onde vimos

Ludoteca San Martiño

 

LUDOTECA SAMAÍN

 

OBRADOIRO FOLLA DE MILLO

 Anímate a acompañarnos!!!

 

EDUCAR NA NATUREZA

Inscrición ou renovación cota familias asociadas. Curso 2022 - 2023.

 Boa entrada de curso familias!

Achegamos o documento de inscrición para as familias que teñan interese en asociarse á ANPA, ou renovar a cota, neste curso 2022 - 2023.

https://drive.google.com/.../1KWywhC86Lwlyz4.../view...

Tamén podedes facer a inscrición online, na seguinte ligazón.
https://docs.google.com/.../1-7EUj3CVL0MvWxwEbVQOXqP.../edit

Pintamos xunt@s! 😊

 Maña ao abrir as portas do cole, o alumnado poderá ver un río que, como na nosa bandeira, cruza a parede. E tamén Cabanas, xa que ese  río é o de curso mais extenso, que ademais  nace e morre no municipio. No seu percorrido recibe distintos nomes;  Ventín ( cando pasa por Batán), rego de Laraxe (cando pasa polo noso cole), río Frade (ao pasar polo Priorato), río Castro (cando pasa polo Castro das Modias, onde fai de defensa natural, desembocando un pouco mais abaixo na praia de Río Castro), ou río Dana, como ven rexistrado na conca hidrográfica. 

Da grande cantidade de toponimia celta que nos rodea, o alumnado de 6 de primaria fixo un bo traballo no primeiro programa de Radio Cabanas deste curso. Tamén o nome de Dana podería ter relación por estar vencellado á deusa Dana, deusa primordial ou elemental da auga, moi a miúdo relacionada con ríos, fontes, lagoas, océanos… símbolo da fertilidade e abundancia. Deusa triple, que adopta distintas formas, como xove, como nai, e como anciá. Como as mulleres do noso mural.

Xa vedes que nesta pintura, ningún elemento está ao azar,  o alumnado do Eladia foi quen achegou as ideas coas que Leandro fixo maxia. Como sabedes, cada aula estivo este curso traballando nun proxecto enmarcado no de centro "Sitúate". De todo o feito cada aula escolleu un elemento:

4º E.I. xoguete tradicional (cabalo de madeira). Cabalgando ás augas do Dana.

5º E.I. ovellas. Refrescándose na beira do río, coa súa la, seguro que as fiandeiras de Cabanas Rural Asociación de Mulleres, farán prendas ben xeitosas.

6º E.I. Muíño de Ton. O único que queda en funcionamento, dos 38 que no seu momento tivo o río.

1º E.P. Mamíferos das Fragas do Eume, temos o raposo, un río cheo de troitas, os parrulos que seguro están a comer do pan que lles bota Ton, e non podería faltar o noso moucho favorito, Libroucho.

2º E.P. Marisqueiras, 3º E.P. Grelos e mel, 4º E.P. Torre de Andrade, 5º E.P. Festa tradicional: Mómaros 

e 6º E.P. Flora autóctona. Cos Castiñeiros, Carballos e Sobreira.

Rematamos explicando a contribución histórica das mulleres na vida arredor do río, obxecto desta iniciativa. Na mesa, vendendo grelos e mel, a economía somerxida na que moitas mulleres puxeron a súa forza de traballo. A mariscadora, visibilizando o papel da muller no mar. E a nai, realizando o mais importante dos traballos, sen o cal, de seguro que non hai futuro, criar. Este é un homenaxe a todas elas.

Non podemos estar mais contentas co resultado, pero si todo isto ademais o acompañas coa xornada de onte, de verdade que é inmellorable. Grazas a todas as persoas por vir, a pintar, a mirar, a visitar, a falar, a tomar algo, a xogar… Non nos queda ningunha dúbida de que somos unha comunidade chea de vida!

(Actividade subvencionada pola Deputación da Coruña

Importe financiado: 1000 €

Coef: 0,80)

Pintura conxunta mural Leandro Lamas

 Seguimos coa traca final, antes de finalizar o curso 🎆

✅ Outro dos obxectivos sacado das conclusións do proxecto Medrando en Igualdade, era o de embelecer o espazo cun mural de Leandro Lamas.👩‍🎨

Grazas ao financiamento da Deputación da Coruña, será posible. 

Importe subvencionado 1000 € (coef. 0,800)

Gustaríache participar?🥰

Inscrición: anpa.o.castineiro@gmail.com

Día Internacional da Diversidade Biolóxica

 #poruncolecheodevida

Obradoiro Escalada

 Xa estamos entrada na recta final deste curso, pero queda moita actividade ☺️

Quen se anima?

Xogos con Brazolinda

 Sabemos o importante que é o xogo na socialización da infancia. Por iso, para celebrar as nosas letras, e coa intención de seguir dotando de equipamento lúdico ao centro, non dubidamos en volver a contar con Brazolinda.

Brazolinda é unha empresa dedicada ao deseño, e fabricación artesanal de xogos de mesa, nacida no 2014.

A súa proposta é dotar de material didáctico en galego que permita, a través do xogo, traballar a imaxinación, matemáticas, expresión artística, expresión oral, razoamento, tradición oral, observación, manipulación de obxectos … 

Esperamos que vos gustaran!

Letras Galegas

 #letrasgalegas22

Pousada de insectos realizada!

 Outros dous novos espazos, listos para ser usados á volta.

Pousada de insectos realizada! E parece que a cabana de vimbio prendeu ben para resistir o xogo que vai a dar, que opinades?

Que será?

 Esta semana o alumnado de 4 de primaria, coa colaboración de EuroEume, rematou de elaborar un novo elemento para o noso cole, que será?

Pousada de insectos

 

Alá imos coa seguinte proposta que parte das conclusións do proxecto de Medrando en Igualdade. Desta volta, para seguir enchendo o nose cole de vida, construiremos unha pousada de insectos, baixo o asesoramento de Yuma.

Crearase unha pousada para o cole, e cada familia preparará a súa pequena pousada para levar a casa.

As persoas interesadas en participar, deberán comunicalo a través do correo electrónico:

anpa.o.castineiro@gmail.com poñendo o nome das persoas que participarían.

Tan só se terán en conta as inscricións feitas a través do email, e terase en conta a orde de entrada para ocupar as prazas, no caso de superarse.

8M

 

Protección laboral para o embarazo e lactancia.

Permisos preparto retribuídos e universais.

Erradicar a discriminación laboral de embarazadas e nais.

Ampliación, transferibilidade e universalidade dos permisos de maternidade.

Reduccións de xornada e excedencias remuneradas.

Permisos retribuídos por enfermidade, hospitalización ou corentena e outras obrigas derivadas da crianza no ámbito escolar

Medidas reais que promovan a corresponsabilidade

#sobranmotivos #8M2022

Cabana Vimbio

 Orgullosas de que o alumnado do Eladia Mariño, poida ver que o seu patio soñado comeza a coller forma!

Mil grazas a toda a equipa de familias💪!

Cómo nos prestou, e cómo botávamos de menos de vernos as caras!

Día de Rosalía

 

Obradoiro casiñas paxaros

 Ah! que non vos contamos aínda o do obradoiro das casiñas de paxaros,

mais... como unha imaxe vale mais que mil palabras, fixemos un video

Mil grazas a Júlio, carpinteiro e bombeiro forestal, que nos acompañou na construción das casiñas mentres compartía con nos o seu coñecemento das nosas fragas e a importancia da biodiversidade (jssaians@hotmail.com)

E ao colectivo cultural Rampla Rampla, polo xogo cooperativo de Paxaros II, que xa está tamén no cole.

Pioneiras

 👀A infancia está falta de referentes femininas, por iso hoxe quixemos conmemorar o día, axudando a medrar a biblioteca do cole cos libros de Pioneiras.📚 

Exeria, Isabel Barreto, Isabel Zendal, Sofía Casanova, Marcela e Elisa, Irene González, Áurea Rodríguez, Mª Luz Morales, Olimpia Valencia, Celia Rivas, Ángeles Alvariño, Antonia Ferrín, Rita F. Queimadelos, Antonia Sanjurjo, Mercedes Mariño, Ángela Ruiz Robles, Elisa Patiño, Concepción Pérez Iglesias, María Barbeito, Joaquina García, Manuela Barreiro Pico, María Cardarelly... galegas que abriron camiño

OBRADOIRO CABANA VIMBIO VIVO

 👋Boa tarde familias! 

Outra proposta para facer en familia❓

Obradoiro de realización de cabana con vimbio vivo.🎪

📅O 26 febreiro de 10:30 a 14:30 e de 14:30 a 18:30, podes elexir a quenda que tí prefiras! Ou toda a xornada.

📧As persoas interesadas en participar, deberán comunicalo a través do correo electrónico: 

anpa.o.castineiro@gmail.com poñendo o nome das persoas que participarían.

Tan só se teran en conta as inscricións feitas a través do email, e terase en conta a orde de entrada para ocupar as prazas, no caso de superarse. ‼️

👉 O obradoiro será executado por Julia de La Parabólica, e é de balde!

👉 A proposta parte das conclusións do proxecto de Medrando en Igualdade, nas que o alumnado do cole demandou mais recunchos onde poder estar en intimidade.

Ecovisita a Casa Grande de Xanceda

 

Boa tarde familias!

Quen se anima a unha excursión en familia

Ecovisita a Casa Grande de Xanceda!

O 27 de marzo as 17.00h.

As persoas interesadas en participar, deberán comunicalo a través do correo electrónico:

anpa.o.castineiro@gmail.com poñendo o nome das persoas que participarían.

Tan só se teran en conta as inscricións feitas a través do email, e se terá en conta a orde de entrada para ocupar as 20 prazas, no caso de superarse. !

O prexo da actividade é de 5 euros por persoa.

Para as familias socias da ANPA será de balde!

Ao remate da visita haberá unha degustación de produtos ecolóxicos