xoves, 22 de decembro de 2022
mércores, 7 de decembro de 2022
Estación metereolóxica
https://app.weathercloud.net/map#8745790728
https://www.wunderground.com/weather/es/cabanas/ICABAN33
Temos estación metereolóxica propia!!!
Outro obxectivo acadado de "Medrando en igualdade" promovido pola ANPA o Castiñeiro, para a transformación dos espazos de xogo do alumnado do noso centro.
Forma parte tamén do proxecto financiado por Voz Natura, "Ecocomunidade escolar: Tempo de comunidade, comunidade a un tempo".Esperemos que axude ao alumnado a interpretar o clima de xeito activo. 
43° 25' 31" N 008° 10' 17" W
venres, 25 de novembro de 2022
martes, 22 de novembro de 2022
venres, 4 de novembro de 2022
Obradoiro Folla Millo
O outono é tempo de colleita. A recollida do millo, tiña grande importancia nas nosas terras.
Boa mostra a fan os 
muíños que no seu momento tivo o río Dana, que pasa ao carón do cole, dos que nos queda o de o noso amigo Ton.
muíños que no seu momento tivo o río Dana, que pasa ao carón do cole, dos que nos queda o de o noso amigo Ton. A recollida do millo daba paso á celebración da esfolla, onde a veciñanza se xuntaba para realizar esta tarefa de xeito colectivo.
Temos unha sorte inmensa de ter a Cabanas Rural Asociación de Mulleres, sempre dispostas, axudándonos a non esquecer de onde vimos.
martes, 1 de novembro de 2022
Ludoteca San Martiño
O día 11 de novembro, sumámonos á celebración do día do peón organizado por Brinquedia, coa nosa Ludoteca de San Martiño, nas instalacións do CEIP Eladia Mariño.
En horario de 9:30-14:30 con posibilidade de servizo de almorzo dende as 7:30.
Reserva de praza: anpa.o.castineiro@gmail.com indicando o nome da nena/o, data de nacemento, persoa responsable, número de contacto, así como si se precisa facer uso do servizo de almorzo; antes do 7 de novembro.
No caso de superarse as prazas ofertadas, a selección farase atendendo aos criterios marcados pola Xunta.Financiado pola Secretaría Xeral de Igualdade da Xunta de Galicia.
Organizado pola ANPA O Castiñeiro.
Levado a cabo por Espacio Vivo
martes, 18 de outubro de 2022
LUDOTECA SAMAÍN
Veñen de comunicarnos a concesión dunha subvención para campamentos de conciliación, para os días 31 de Outubro, 11 de Novembro e as vacacións de Nadal no mes de Decembro. Aberto o prazo para a reserva de praza o 31 de Outubro. Levada a cabo por @espaciovivo.
sábado, 15 de outubro de 2022
venres, 9 de setembro de 2022
EDUCAR NA NATUREZA
Katia Hueso no noso cole!
Venres 30 Setembro
Inscrición antes do 23 de setembroCon servizo de ludoteca
xoves, 8 de setembro de 2022
Inscrición ou renovación cota familias asociadas. Curso 2022 - 2023.
Boa entrada de curso familias!
Achegamos o documento de inscrición para as familias que teñan interese en asociarse á ANPA, ou renovar a cota, neste curso 2022 - 2023. 
Tamén podedes facer a inscrición online, na seguinte ligazón. 
domingo, 5 de xuño de 2022
Pintamos xunt@s! 😊
Maña ao abrir as portas do cole, o alumnado poderá ver un río que, como na nosa bandeira, cruza a parede. E tamén Cabanas, xa que ese río é o de curso mais extenso, que ademais nace e morre no municipio. No seu percorrido recibe distintos nomes; Ventín ( cando pasa por Batán), rego de Laraxe (cando pasa polo noso cole), río Frade (ao pasar polo Priorato), río Castro (cando pasa polo Castro das Modias, onde fai de defensa natural, desembocando un pouco mais abaixo na praia de Río Castro), ou río Dana, como ven rexistrado na conca hidrográfica.
Da grande cantidade de toponimia celta que nos rodea, o alumnado de 6 de primaria fixo un bo traballo no primeiro programa de Radio Cabanas deste curso. Tamén o nome de Dana podería ter relación por estar vencellado á deusa Dana, deusa primordial ou elemental da auga, moi a miúdo relacionada con ríos, fontes, lagoas, océanos… símbolo da fertilidade e abundancia. Deusa triple, que adopta distintas formas, como xove, como nai, e como anciá. Como as mulleres do noso mural.
Xa vedes que nesta pintura, ningún elemento está ao azar, o alumnado do Eladia foi quen achegou as ideas coas que Leandro fixo maxia. Como sabedes, cada aula estivo este curso traballando nun proxecto enmarcado no de centro "Sitúate". De todo o feito cada aula escolleu un elemento:
4º E.I. xoguete tradicional (cabalo de madeira). Cabalgando ás augas do Dana.
5º E.I. ovellas. Refrescándose na beira do río, coa súa la, seguro que as fiandeiras de Cabanas Rural Asociación de Mulleres, farán prendas ben xeitosas.
6º E.I. Muíño de Ton. O único que queda en funcionamento, dos 38 que no seu momento tivo o río.
1º E.P. Mamíferos das Fragas do Eume, temos o raposo, un río cheo de troitas, os parrulos que seguro están a comer do pan que lles bota Ton, e non podería faltar o noso moucho favorito, Libroucho.
2º E.P. Marisqueiras, 3º E.P. Grelos e mel, 4º E.P. Torre de Andrade, 5º E.P. Festa tradicional: Mómaros
e 6º E.P. Flora autóctona. Cos Castiñeiros, Carballos e Sobreira.
Rematamos explicando a contribución histórica das mulleres na vida arredor do río, obxecto desta iniciativa. Na mesa, vendendo grelos e mel, a economía somerxida na que moitas mulleres puxeron a súa forza de traballo. A mariscadora, visibilizando o papel da muller no mar. E a nai, realizando o mais importante dos traballos, sen o cal, de seguro que non hai futuro, criar. Este é un homenaxe a todas elas.
Non podemos estar mais contentas co resultado, pero si todo isto ademais o acompañas coa xornada de onte, de verdade que é inmellorable. Grazas a todas as persoas por vir, a pintar, a mirar, a visitar, a falar, a tomar algo, a xogar… Non nos queda ningunha dúbida de que somos unha comunidade chea de vida!
(Actividade subvencionada pola Deputación da Coruña
Importe financiado: 1000 €
Coef: 0,80)
sábado, 28 de maio de 2022
Pintura conxunta mural Leandro Lamas
Seguimos coa traca final, antes de finalizar o curso 🎆
✅ Outro dos obxectivos sacado das conclusións do proxecto Medrando en Igualdade, era o de embelecer o espazo cun mural de Leandro Lamas.👩🎨
Grazas ao financiamento da Deputación da Coruña, será posible.
Importe subvencionado 1000 € (coef. 0,800)
Gustaríache participar?🥰
Inscrición: anpa.o.castineiro@gmail.com
domingo, 22 de maio de 2022
sábado, 21 de maio de 2022
Obradoiro Escalada
Xa estamos entrada na recta final deste curso, pero queda moita actividade ☺️
Quen se anima?
xoves, 19 de maio de 2022
Xogos con Brazolinda
Sabemos o importante que é o xogo na socialización da infancia. Por iso, para celebrar as nosas letras, e coa intención de seguir dotando de equipamento lúdico ao centro, non dubidamos en volver a contar con Brazolinda.
Brazolinda é unha empresa dedicada ao deseño, e fabricación artesanal de xogos de mesa, nacida no 2014.
A súa proposta é dotar de material didáctico en galego que permita, a través do xogo, traballar a imaxinación, matemáticas, expresión artística, expresión oral, razoamento, tradición oral, observación, manipulación de obxectos …
Esperamos que vos gustaran!
martes, 17 de maio de 2022
sábado, 9 de abril de 2022
Pousada de insectos realizada!
Outros dous novos espazos, listos para ser usados á volta.
Pousada de insectos realizada! 
E parece que a cabana de vimbio prendeu ben para resistir o xogo que vai a dar, que opinades?
Subscribirse a:
Publicacións (Atom)